A acción e xestión cultural contemporánea desenvólvese en ecosistemas cada vez máis complexos. É por isto que as xestoras/es culturais precisamos dotarnos de metodoloxías e ferramentas actualizadas. Isto permítenos planificar estratéxicamente liñas de traballo con maior garantía de éxito e impacto social.

Como transformar unha idea nun proxecto cultural viable que poña ás persoas no centro? Aprendemos a manexar ferramentas de planificación, produción, sustentabilidade, xestión orzamentaria, dereito cultural, marco legal e avaliación integral. Compartiremos a experiencia do equipo docente para desenvolver os nosos proxectos grupais ao longo do curso.

Achegarémonos a fórmulas de mediación coas comunidades máis próximas nos territorios onde intervimos, permitindo transformar audiencias pasivas en participantes activas e implicadas cos nosos proxectos. Dun xeito máis inclusivo e permitindo conectarnos con outros axentes, tanto doutros territorios como doutros sectores.