Visita ao Culturgal 2015

Por Leticia Andueza.


A oitava edición do CULTURGAL
 levouse a cabo o pasado venres 4, sábado 5 e domingo 6 de decembro, no seu habitual enclave do Pazo da Cultura da cidade de Pontevedra.

Sen cumprir aínda a década de vida, a Feira das Industrias Culturais de Galicia, pretende facer de Pontevedra o lugar de referencia para dar visibilidade á cultura galego-portuguesa; citándonos a tod*s para corresponsabilizarnos na construción da realidade cultural galega en xeral, e da consolidación desta feira como cita anual obrigada, en particular.

O eixo desta edición foi a PALABRA. A palabra en todas as súas acepcións e expresións. Palabra falada, escrita, cantada… A palabra sentida… comunicada…

A organización disque procurou trasladar esta idea de comunicación á distribución dos espazos no recinto, mellorando amplamente a experiencia dos usuarios. Deste xeito, dividiuse a programación en catro espazos ben diferenciados: Foro, Libro, Infantil e Carpa. Todos abeirados por expositores tanto do eido público como do privado, mais unha proposta gastronómica orixinal á par que saborosa, que puxo a guinda.

Semella tarefa imposible abranguer nunha soa entrada, a cantidade inxente de propostas culturais de valor que se achegan, durante estes tres días, nun mesmo recinto. Mais abofé que os axentes máis representativos da escena cultural galega debían estar alí, e alí estaban: nesta sorte de feira de profesionais aberta ao público.

Unha manchea de compañeir*s da segunda edición do Curso de Experto Universitario en Xestión Cultural, Presumimos de Culturgal nunha sesión opcional que consistiu nun xantar conxunto e o posterior percorrido polo recinto feiral.

2015 12 04 xantar pontevedra 2

Pasamos unha tarde para non esquecer entre novidades editoriais, fonográficas, audiovisuais e escénicas.

Non o sabíamos o venres, pero ao momento de escribir este post podemos afirmar que o Culturgal 2015 foi un éxito de asistencia, tanto de público como de axentes, e que estamos fronte ao evento máis significativo do calendario cultural deste país; consolidando así a súa proposta de valor: ser o maior e máis relevante escaparate das creacións culturais made in Galicia.

Tendes eiquí un vídeo resumo do noso paso polo Culturgal 2015:

Enlaces de interese:

Galería de imaxes 8ª edición.

Arquivo das pasadas edicións.

Mapa de expositores 2015.

2 replies

Trackbacks & Pingbacks

  1. […] Como siempre, el resumen de la experiencia está dispoñible en el Blog del Curso, elaborado, en esta ocasión, por la compañera Leticia Andueza, autora también del “vídeo-resumen” sobre nuestra visita: edu.xestioncultural.com/blog/ […]

  2. […] Coma sempre, o resumo da experiencia está dispoñible no Blog do Curso, elaborado, nesta ocasión, pola compañeira Leticia Andueza, autora tamén do videorresumo sobre a nosa visita: edu.xestioncultural.com/blog/ […]

Leave a Reply

Want to join the discussion?
Feel free to contribute!

Deixa unha resposta

O teu enderezo electrónico non se publicará


*