Nova edición do Posgrao da USC en Xestión e Innovación Cultural

No vindeiro mes de outubro volvemos ás auldas da Facultade de Economía de Santiago! No curso 2024-25 o Posgrao da USC en Xestión e Innovación Cultural para a práctica profesional cumpre 10 anos de traxectoria ofrecendo un programa formativo adaptado ás características do sector cultural galego e ás necesidades das súas profesionais

Unha década de vontade por tecer redes de profesionais que nos leva ata unha edición, sen dúbida, moi especial. Contaremos con máis dunha trintena de docentes -profesionais en activo de toda a Península- para #AprenderFacendo e #AprenderCompartindo sobre Xestión Cultural.

Xa podes atopar o programa detallado desta edición dividido en tres bloques temáticos que, como novidade, nesta ocasión poderanse cursar de forma modular, como Cursos de Formación Específica da USC:

• Análise e planificación estratéxica no sector cultural e creativo.
• Deseño e xestión de proxectos culturais.
• Mediación, comunidades e comunicación cultural.

Xa está aberta a reserva de prazas do Posgrao da USC en Xestión e Innovación Cultural. Para iniciar o proceso só tes que cubrir o seguinte formulario que atoparás neste enlace.

Se tes calquera dúbida, podes contactar connosco a través do correo usc@xestioncultural.com ou das canles de Whatsapp ou Telegram.