O CEU en Xestión e Innovación Cultural ten varios obxectivos. Principalmente, procura a formación de profesionais da nova acción cultural. Para iso, incorpora unha notable carga de innovación nos contidos. Amosa experiencias reveladoras e inspiradoras. E pon o acento en dous piares da viabilidade de calquera iniciativa cultural: as estratexias de financiamento e comunicación.
Existe un consenso xeneralizado sobre a importancia da cultura no desenvolvemento das comunidades. A cultura é vía de medranza persoal e un factor de cohesión social e identidade local. Tamén un activo económico de primeira orde. Así o recoñeceu a Unión Europea a través da Axenda de Lisboa e así consta no Libro Verde das Industrias Culturais e Creativas.
En Galicia o sector cultural aporta arredor do 3% do PIB e supón máis de 35.000 empregos. Así mesmo, segundo os últimos datos contabilizados, aglutina 6.600 empresas e supón unha facturación global que ascende a 2.700 millóns de euros. Esta importante realidade socioeconómica require de profesionais cualificados que, con rigor e visión, saiban afrontar os retos do presente.
Os principais obxectivos que se perseguen no Curso son: