O Curso de Expert* en Xestión Cultural está dirixido a todas aquelas persoas que desexen formarse na xestión integral de proxectos culturais, tanto para adquirir as competencias que lles permitan desenvolvelos directamente, como para contar cunha visión global e ferramentas específicas para o traballo multidisciplinar en equipo.
Resulta de especial interese para profesionais do sistema cultural (traballador*s de empresas e entidades culturais, técnicos de cultura das administracións, responsables asociativos, xerentes de eventos, autónom*s, etc.) que queiran actualizar os seus coñecementos ou que desexen, se non puideron facelo anteriormente, adquirir unha formación regrada que consolide o oficio logrado en base á súa experiencia.
Tamén poderán ser admitidos*s recentes licenciad*s e graduad*s universitari*s, alumnado de últimos cursos, traballador*s ou emprendedor*s doutros sectores que desexen formarse na xestión integral de proxectos e, en xeral, todas aquelas persoas con interese no mundo da cultura.
Non se precisa titulación universitaria previa para o acceso ao curso, coa finalidade de que poidan acceder profesionais que alternativamente acrediten a súa traxectoria.
Aprender compartindo!
A experiencia formativa do Curso condensada en 4 vídeos: un por cada edición