Volvemos!

A 6ª edición do Curso de Expert* Universitari* en Xestión Cultural da USC xa está en marcha. Na nosa web  podes atopar toda a información actualizada e mesmo reservar a túa praza se o desexas, enviando un sinxelo formulario ao que podes acceder desde aquí.

O CEU en Xestión Cultural celebrará neste curso 2020-21 sesións presenciais entre o 2 de outubro e o 20 de maio todos os venres lectivos, ademais dun xoves ao mes. A meirande parte delas na facultade de Ciencias Económicas e Empresariais da USC, salvo algunhas sesións en entidades culturais de referencia e algúns contidos puntuais en liña, como podes comprobar no programa do Curso.

O enfoque da formación segue a ser proporcionar coñecementos orientados a unha boa práctica profesional, que se traducirán no desenvolvemento dun proxecto cultural en equipo. Para isto, e para boa parte das titorías, facilitarase o emprego de ferramentas telemáticas que permitan o traballo colaborativo a distancia, tal e como xa se viña facendo en anos anteriores.

Toda a información sobre docentes, metodoloxía ou entidades nas que realizar prácticas complementarias, entre outras cuestións, están ao teu dispor nesta web, o mesmo que a información xeral e a posibilidade de reservar praza.

Tras cinco edicións, o que non ten ningún cambio é a nosa filosofía, que segue a ser #aprenderfacendo e #aprendercompartindo xuntas. Agardamos que esta sexta edición sexa do teu interese e aprender tamén contigo! ;)