Venres 12/02/21 | ‎Produción Cultural (II). Festivais e eventos. Con Ángel Piñeiro

INFORMACIÓN PREVIA DA SESIÓN

Sesión EN LIÑA a través da plataforma Microsoft Teams

É a que emprega a USC, polo que podedes acceder coas vosas credenciais de alumna/o (as que empregastes para a matrícula). As persoas que non tedes aínda activas estas credenciais poderedes unirvos, como na anterior sesión, co voso correo habitual.

A primeira vez que entredes debedes unirvos ao “Equipo CEUXC 2020-21” neste enlace. Tamén podedes facelo neste segundo enlace. Todas as sesións telemáticas do Curso apareceranvos xa ligadas a este grupo.

Facilitamos nesta pequena guía algunhas indicacións xerais de uso, tanto para quen tedes credenciais como para quen non, que complementa a información que vos ofrece a USC ao respecto.


INFORMACIÓN XERAL COMPARTIDA

Nesta sesión achegámonos ás tarefas e responsabilidades que abrangue a produción cultural desde a perspectiva dun evento, especialmente con programación de artes ao vivo.

Da man de Ángel Piñeiro, responsable de produción da promotora Bring the Noise, coñecemos  a correcta planificación da produción dun evento, tendo en conta cuestións temporais, localización, equipo e recursos, así como as ferramentas, consellos e modelos de documentos de uso habitual: rider, plan de produción, folla ruta, planning montaxe, etc… 

Todo iso dende a súa experiencia persoal e a través de exemplos reais, tanto de grandes eventos como o Resurrection Fest, ata eventos de pequeno formato e festivais promovidos dende o asociacionismo, como o Castelo Rock de Muros. Aquí tes os vídeos da sesión:

CONTIDOS TEMÁTICOS

Compartimos aquí varios materiais relacionados coa sesión de Ángel Piñeiro. En primeiro lugar, a súa presentación:

En segundo lugar, tes AQUÍ un cartafol no que ver e descargar varios documentos relacionados coas diferentes fases de produción dun evento, así como un glosario de produción e exemplos de riders.

Por último, lembrámosche tamén aquí este contido que Ángel recomendaba ler antes da sesión e que seguro che seguirá sendo útil agora:

  • Ángel indícanos que se tedes calquera dúbida contactedes con el en pinheiromuros@gmail.com