Venres 29/10/20 | Marco profesional da xestión cultural (IV). A Cultura no marco dos ODS. Con Encarna Lago | O proxecto cultural (II). Traballo en equipo co equipo de titores (Sesión integramente en liña).

INFORMACIÓN PREVIA DA SESIÓN

Sesión EN LIÑA a través da plataforma Microsoft Teams

É a que emprega a USC, polo que podedes acceder coas vosas credenciais de alumna/o (as que empregastes para a matrícula). As persoas que non tedes aínda activas estas credenciais poderedes unirvos, como na anterior sesión, co voso correo habitual.

A primeira vez que entredes debedes unirvos ao “Equipo CEUXC 2020-21” neste enlace. Tamén podedes facelo neste segundo enlace. Todas as sesións telemáticas do Curso apareceranvos xa ligadas a este grupo.

Facilitamos nesta pequena guía algunhas indicacións xerais de uso, tanto para quen tedes credenciais como para quen non, que complementa a información que vos ofrece a USC ao respecto.

O mércores 28 ás 18:00 haberá unha pequena sesión de proba, pensada especialmente para as persoas que tivestes algunha dificultade na anterior sesión.

Ademais, tod*s teredes acceso a un novo espazo dentro do Equipo CEUXC 2020-21 en Temas. Trátase dunha canle para cada equipo de traballo. Estas canles empregarémolas na sesión do xoves 29, polo que sería bo que aproveitedes a sesión de proba do mércores para comprobar que tedes acceso.


INFORMACIÓN XERAL COMPARTIDA

Esta sesión tivo dúas partes. Unha para o traballo en equipo, a través dos espazos virtuais de Teams. E unha segunda parte con  Encarna Lago, xerente da Rede Museística Provincial de Lugo, que nos achegou ao papel da cultura no marco dos Obxectivos de Desenvolvemento Sostíbel (ODS).

Creados polas Nacións Unidas, os ODS son un grupo de obxectivos relativos ao desenvolvemento internacional futuro que están a ter gran importancia en moitas das liñas de traballo e convocatorias institucionais no noso eido. Hai 17 obxectivos e 169 metas específicas para estes obxectivos, que se desenvolven de 2015 a 2030.

Encarna é un referente do que se coñece como nova museoloxía e leva tempo impulsando o desenvolvemento dunha cultura máis inclusiva. Ademais participa en numerosas iniciativas e redes internacionais arredor da sostibilidade. Por iso é a persoa idónea para falar da cultura no marco dos ODS.  Aquí tedes a súa intervención completa:

CONTIDOS TEMÁTICOS