2015 01 22 Beatriz Fontán 2 - foto C_edited-1

Marketing Cultural e Xestión de Públicos con Beatriz Fontán

Por Beatriz Mosquera

Na aula do pasado venres contamos con Beatriz Fontán para afondar no Marketing Cultural e como xestionar os públicos.

Que é Marketing para vós nunha palabra? Esa foi a nosa primeira tarefa: venta, mercado, publicidade, comunicar, arquitectura, ilusión, proceso, confianza…

Pero para Beatriz a definición que máis se achega o “bo marketing” é quen llo dá a quen llo entende, non llo dá, que llo vende”, da súa avoa Soledad. Unha razón moi axeitada de dicir que para vender, de forma económica e sostible é necesario saber o que precisa a xente. E así utilizar os catro pilares fundamentais do marketing: a rendibilidade, a definición do mercado, a orientación ao consumidor e a coherencia, como unha ferramenta ao servizo da xestión, da análise e da comunicación.

Para meternos de cheo no deseño da nosa estratexia utilizaremos o marketing mix ou 4P: prezo, produto, punto de venta (distribución) e promoción, engadindo unha 5ªP, as Persoas esenciais para o traballo en Cultura co “marketing relacional”.

Esquema Marketig Mix

Neste momento da análise do proxecto buscaremos a través do DAFO cruzado, como reorientar as nosas ameazas e debilidades poñendo en marcha as estratexias defensivas, de supervivencia, ofensivas ou de reorientación. Para pasar a determinar cal é a fórmula de valor do noso proxecto:

Na actualidade a variable das “emocións” é a que está a cambiar o paradigma dos traballos de marketing.

Fórmula Valor Percibido

Na segunda parte da tarde afondamos en “Como se xestionan os públicos?”, para ver paso a paso como xestionar un plan de públicos, e como poñer en práctica a información recollida na pasada sesión da man de Jaume Colomer.

Para coñecer o noso público teríamos que trazar un plan transversal, constituíndo unha equipa de traballo contando con todos e todas os que estamos en contacto co público. Non ten sentido que esta equipa de traballo quede relegada ao persoal que formamos parte da administración senón que temos que ir máis aló, ao persoal de billeteiras, de sala, de conserxería, limpeza… Na diagnose da situación actual, afondamos nos perfís dos públicos actuais, nos produtos de oferta, de demanda, nas prioridades, estratexias, nos sistemas de prezos, e na comunicación (entrevistas ou enquisas) para chegar á formulación de variables coas que contamos.

A continuación realizaríamos a segmentación dos grupos, creando a base de datos dos nosos espectadores con toda a información recadaba e diferenciando entre públicos en formación e públicos adultos. Pasando así á definición dos obxectivos específicos para cada un dos segmentos e ao deseño das estratexias de fidelización, activación e captación para a definición das accións específicas de cada estratexia.

Para definir os obxectivos sempre teremos claro o público ao que nos diriximos, como puidemos ver nos exemplos de Beatriz: dos públicos activos, para diversificar e incrementar as prácticas, ata os públicos con demanda inexistente, buscando crear interes polas prácticas culturais.

Rematamos con estas recomendacións: El libro rojo de la publicidad, de Luis Bassat, Manual Producción, gestión y distribución del teatro, de Jesús Cimarro, El marketing de las artes escénicas, de Joanne Scheff e Philip Koltler, …

Moitas grazas Beatriz por introducirnos no mundo do marketing sen que nos saísen “sarpullidos” – Encheremolo, pero con xeito -.

 

 

 

0 replies

Leave a Reply

Want to join the discussion?
Feel free to contribute!

Deixa unha resposta

O teu enderezo electrónico non se publicará Os campos obrigatorios están marcados con *


*